Prania e teknologjisë 3D po rritet

Gjersa shumë studio janë ende duke përjetuar vështirësi në prodhimin e argëtimit kualitativ 3D në formë të filmave dhe emsioneve televizive, konsumatorët në SHBA janë duke avancuar drejt shfrytëzimit të harduerit 3D. Sipas të dhënave më të reja nga NPD DisplayResearch të shpalosura gjatë javës së kaluar, dërgesat për 3D TV HD kanë përjetuar një rritje prej 6.6 milion njësi në fund të shtatorit të këtij viti.

Kjo paraqet një rritje prej 27 për qind krahasuar me vitin e kaluar. Firma hulumtuese gjithashtu pret që dërgesat të fluturojnë për 30 për qind në çerekun e katërt dhe tregut 3D LCD TV pritet të arrij një penetrim prej 10 për qind në tregun e SHBA’s në fund të vitit 2011. Kjo do të sjellë numrin total të televzioneve 3D në shtëpitë në SHBA në 21.5 milion. NPD Parashikon që shitjet e HDTV ‘ve të zakonshëm të kenë më pak se 80% të tregut deri në fund të vitit 2012.

Prodhuesit e televizorëve gjithashtu janë duke prodhuar më pak modele 2D dhe po tentojnë të sjellin në një nivel më të ultë çmimin e paneleve 3D.
Shitja e projectorëve të aftë për 3D është rritur për 121 për qind në çerekun e tretë dhe tani ka përsipër më shumë se 16 për qind për projektorët që kanë shfrytëzim në shtëpi në SHBA. Sipas Quixel Research, kompania gjithashtu pret që mbi gjysma e të gjithë projektorëve të paraqitur në SHBA të jenë të aftë për 3D deri në fund të vitit të ardhshëm. Gjersa shitja e projectorëve 3D është rritur gjatë nëntë muajve të vitit 2011, shitja e projektorëve 2D ka rënë rreth 20 për qind.