Chrome mund Explorer, bëhet mbreti i ri i internetit

Pas pesëmbëdhjetë vitesh kontrolli absolut në  internet, Internet Explorer është shembur. Krijesë e re, Google Chrome, ka bërë që të bjerë miti i krijuar nga

Bill Gates dhe të kthehet në shfletuesin e preferuar nga përdoruesit e internetit.

Kjo është konfirmuar nga “StatCounter”, kompania e cila merret me monitorimin e trendeve në botën e internetit.

Sipas saj, Google Chrome është përdorur nga 32.76% e frekuentuesve të internetit, ndërsa Internet Explorer ka mbetur prapa, me vetëm 31.94% të klikimeve.

Një përparim i madh ky që përfaqëson një ndryshim historik për botën e internetit dhe që po tregon se si kompania e Bill Gates, vit pas viti, ka parë sesi konkurrentët e rinj, po i kthehen në të rrezikshëm.

Kujtojmë këtu, se në vitin 2003, Internet Explorer kontrollonte 95% të tregut botëror, e praktikisht kishte një monopol. Ndërsa vetëm një vit më parë, tashmë ai kishte një rënie të mprehtë në shfletuesin e Microsoft, me 43%.