Martohet themeluesi i Facebook, Zuckerberg

SHBA, 20 maj 2012 - Marck Zuckerberg, themeluesi i rrjetit social Facebook është martuar dje, pas një fejese nëntë vjeçare me Priscilla Chan.

Kjo javë me të vërtetë që ka qenë historike për Zuckerberg. Të hënën kishte ditëlindjen, ndërsa gjatë javës kompania e tij u fut në bursë, duke u kuotuar miliarda dollarë dhe duke e renditur atë në një prej miliarderëve më të rinj të botës. Ai tashmë ka rreth 20 miliardë dollarë.

Dhe së fundi është dasma e tij, e cila është zhvilluar në ambient privat. Për miqtë Zuckerberg ka shpërndarë vetëm një foto të dasmës në rrjetin social që është ideuar nga vet ai, Facebook.