Greqi, vetëm 2 muaj para për pagat e pensionet

ATHINE - “Para ka vetëm për dy muaj”, ky është shkrimi që boton sot gazeta “Protothema”, e cila iu referohet informacioneve nga ministria e financave greke.

Sipas këtyre informacioneve, nëse shteti grek nuk mbledh taksat, ka në dispozicion para të mjaftueshme vetëm për të paguar pagat e pensionet e 2 muajve.

Në muajin e tretë sapo qeveria e re të marrë drejtimin, do përballet me një problem akut të pagesës së pagave dhe pensioneve për arsye se ato do të paguhen vetëm me të ardhurat që vjel shteti.

Nëse nuk dërgohen paralajmërime në ditët e ardhshme, atëherë duket se hapet një “vrimë e zezë”, më shumë se 1 miliard euro në të ardhurat, deri në fund të muajit, krahasuar me objektivat e Buxhetit të Shtetit të rishikuar.

Ndërkaq revista "Der Spiegel" shkruan se kancelarja e Gjermanisë ka propozuar vërtet një referendum në Greqi, në të njëjtën ditë me zgjedhjet kombëtare.

Në versionin e printuar te "Der Spiegel" qe do dalë në qarkullim nesër, thuhet se "Eurozona po kërcënon të flakë jashtë Greqinë", çështja e referendumit kishte qenë objekt i takimit të fundit të Eurogroup ngritur nga ministri gjerman i Financave, Schauble.

Në këtë takim, sipas Spiegel, zoti Schäuble solli për diskutim çështjen e referendumit për qëndrimin e Greqisë në eurozonë i cili mund të zhvillohet së bashku me zgjedhjet dhe përmes të cilit, grekët me një “po” për qëndrimin në eurozonë, të pranonin njëherësh programin e masave të kursimit.

Këtë plan mesa duket ka biseduar me presidentin grek Angela Merkel dhe keshtu justifikohet edhe përgënjeshtrimi i qeverisë gjermane.